İran prezidenti İbrahim Rəisi çərşənbə günü Nyu-Yorkda Birləşmiş Millətlər Təşkilatının Baş Assambleyasında çıxışı zamanı iranlı general Qasim Süleymaninin şəklini qaldıraraq ABŞ-ın keçmiş prezidenti Donald Trampı mühakimə etməyə çağırıb.

İslamazeri.com xarici mediaya istinadən xəbər verir ki, İran prezidenti Seyid İbrahim Rəisi ötən gün axşam BMT Baş Assambleyasının 77-ci sessiyasında çıxışı zamanı Qasim Süleymaninin şəkilini qaldırıb.

Rəisi çıxışında bildirib ki, Tramp regionda terrorçuluqla mübarizədə olan Qasim Süleymaniyə qarşı terror əmrinin məhz onun tərəfindən verildiyini etiraf edib və buna görə barəsində beynəlxalq müstəvidə mühakimə icra edilməlidir.

“Biz hal-hazırda elə bir zamanda bir araya gəlmişik ki, dünyanın dəyişməsi kimi əhəmiyyətli reallıqla üzləşmişik. Biz indi dünyada yeni nizam və dövranla üz-üzəyik”, deyə İbrahim Rəisi ABŞ tərəfindən həyata keçirilən ikilistandartlı siyasəti və təkqütblülüyü tənqid edib.

İbrahim Rəisi ABŞ-da BMT iclasında çıxışı zamanı Qasim Süleymaninin şəkilini qaldırıb