Alman turistlər İmam Rzanın (ə) hərəmini ziyarət edib.

İslamazeri.com xəbər verir ki, Almaniyadan olan 23 nəfərlik turist qrupu Xarici Zəvvarlarla İş üzrə İdarəsinin xüsusi xidmətləri çərçivəsində, İmam Rzanın (ə) hərəmini ziyarət edib.

İrana şəxsi avtomobilləri ilə səfər edən qrup üzvləri müqəddəs ziyarətgahda yüksək qonaqpərvərliklə qarşılandıqlarını bildiriblər.

Turist qrupu ingilis dilini mükəmməl bilən bələdçinin müşayiəti ilə kompleksin müxtəlif həyət və eyvanlarını, eləcə də İmam Rza (ə) hərəminin Quran muzeyini ziyarət edib.

Məşhəddən Yəzd şəhərinin mərkəzinə gedən əcnəbi qrup üzvləri İran xalqını çox mehriban xalq kimi xarakterizə edərək, Səfər ayının son günlərində müqəddəs ziyarətgaha daxil olan zəvvarların böyük izdihamının “çox möhtəşəm” olduğunu bildiriblər.

Alman turistlər İmam Rza (ə) hərəmində: "Bu ziyarətgah möhtəşəmdir!" - FOTO