İspaniya və Portuqaliyanın Pravoslav Kilsəsinin rəsmisi rahib Rogelio Sath Carbo “Alul Beyt” vəqfinin İspaniyadakı nümayəndəliyinin idarəçisi Musa əl-Əsam ilə birlikdə Ərbəin səfəri çərçivəsində İmam Əli (ə) hərəmini ziyarət edib.

İslamazeri.com xəbər verir ki, İmam Əli (ə) hərəmini ziyarət etdikdən sonra, o, hərəmin baş katibi Seyid İsa Əl-Xursan tərəfindən qəbul edilib.

Görüş zamanı onlar dinlər arasındakı insani oxşarlıqları və bütün insanlar arasında, dinindən, millətindən və irqindən asılı olmayaraq, münasibətlərin və qarşılıqlı ehtiramın möhkəmlədilməsini müzakirə ediblər.

Xristian din xadimi Carbo deyib ki, səfərinin məqsədi dinlərarası müzakirə, həmçinin müsəlmanların iki imamı - İmam Əli (ə) və İmam Hüseyn (ə) barədə daha dolğun və ətraflı məlumat əldə etməkdir.

Keşiş əlavə edib ki, səfəri zamanı ona göstərilən isti qəbul və ehtiram onu çox təəcübləndirib.

Xristian din xadimi İmam Əli (ə) hərəmini ziyarət edib - FOTO